Manifèst

Aran a d’éster era Val des persones: sociaument justa, igualitária e sostenible.

Era Val digna. Era que manten en mans publiques es servicis publics: educacion, abitatge, transpórt, servicis sociaus, aigua e energia perquè son béns comuns, no mercaderies.

Era Val desvelhada, que vò ua presa de decisions radicaument democratica e participatiua, damb ua naua forma de participar en politica: sense privilegis, damb còdi etic, limitacion de mandats e salaris.

Era Val dubèrta, damb un Conselh Generau d’Aran transparent e que parle damb era ciutadania en plens dubèrts, consultes populars e pressupòsti participatius.

Era Val justa, era que garantís era igualtat des persones damb independéncia dera nòsta renda, procedéncia, ideologia, etnia, genre, orientacion sexuau, religion, lengua, edat e capacitats.

Era Val solidária, a on s’universalitzen es drets e se compartissen es responsabilitats entá arténher un aute concépte deth civisme: eth deth compromís actiu damb era societat.

Era Val feminista, a on éster hemna te permet mantier ua veu propia ena Val, era qu’aplique era pespectiva de genre en totes es politiques de govérn e més enlá.

Era Val sostenible e ecologica, a on er urbanisme e eth torisme son ath servici d’un dret ar abitatge digne, deth respècte ar entorn e ath pa.isatge e en dialóg damb era pagesia. Era que non accepte desnonaments ne era especulacion. 

Era Val que se botge, era que prioritze eth transpórt públic e suenhe er hilat des camins ruraus e de montanha.

Era Val coeducadora, damb un compromís férm damb eth caracter public e non segregador dera educacion coma estrument de futur. A on se respècte e s’ensenhe era nèsta lengua e cultura.

Era Val viua, era que promó naues politiques a favor dera creacion artistica e culturau, es héstes populars e era diuersitat. Era qu’estime eth son patrimóni e met eth léser e er espórt ath servici dera equitat e eth respécte der entorn.

Era Val que non desbrembe, era que recupere era sua memória istorica.

Era Val compromesa, era que defensarà era voluntat populara deth pòble aranés e català (e de toti es póbles).

Era Val occitana, era que consolide es ligams sociaus, ambientaus, culturaus e economics damb es germans e germanes der aute costat dera termièra.

Vòs Èster part d'amassa?

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies