Còdi etic
Municipalisme
Defenem eth municipalisme arraïtzat ath territòri entà començar un procès de transformacion que retorne eth poder de decision ath pòble.
Defenem l’identitat nacionala aranesa d’arraïtz occitanes.
Decidim en Assemblada
Prenem es decicions e es acòrds intèrns menjançant assemblades que s’amiaran a tèrme mensuaument pendent tota era legislatura.
Prenuda de decisions
Eth sens deth vòz deth grop municipau serà decidit ena asseblada dubèrta, a on toti es vesins poderàn opinar e decidir
Democracia dirècta
Es decisions politiques qu’agen ua afectacion importanta en pòble, atau coma era prepausa de naues inversions, seràn sometudes a consulta vinculant.
Transperéncia
Facilitaram er accès ara informacion, entà garantir era maximala transperéncia.
Impulsaram organs de democracia dirècta entà elaborar e hèr eth seguiment d’un pressupòst participatiu.
Limitacion de mandats
Es representants elèctes sera escuelhudi per primàries e per una mandat. Es madeishi representants electes poderàn éster renovadi, per primàries, per ua auta legislatura consecutiva com a màxim.
Critèri de paritat
Era organitzacion trebalharà entà normalitzar era igualtat de genere e era paritat.
Limitacion de Salari
A un maximal de 2,5 còps eth salari mínim interprofessionau, en dedicacion exclusiva.
Un viatge dedusits es impòsti, eth sobrant se dedicarà 50% tara organitzacion e 50% entà projèctes sociaus.
Rendiment de compdes e revocacion
Es cargues elegidi compliràn integrament es compromisi programatic e eth còdi etic, en cas d ‘incompliment poderàn éster revocadi pera Assemblada.
Es ingrèssi e es despeses, se haràn publics annuament.
Sense duplicitat de cargues
Cap des cargues elegidi poderà auer mès d’un cargue públic, a excepcion des bailes pedanis que poderàn èster còssos deth sòn municipi.
Sense amiguismes
Non se designaràn cargues a dit e es contractacions de lòcs de trabalh e projèctes se haràn damb procèssi de publica concorréncia.
Sense privilègis
Es cargues elegidi non acceptaran cap sòrta de regal ne privilègi.
Sense credits
Non demanam cap credit bancari entà finançar-mos.
Haram public eth còst dera campanha electorau e era procedéncia des sòs despensadi.
Toti èm pòble
Seram es nautparladors des movements sociaus e de defensa deth territòri e, en generau, des aspiracions des nòsti vesins e vesies.