Quan era vertat non s’explique coma calerie, cau mostrar eth long camin e eth trebalh que mos a portat enquia ací.
En Aran Amassa èm partidaris dera comunicacion sincèra, per açò vos hèm arribar aguest resum deth trabalh e contribucion ad aguesti hèts. Volem era transparéncia coma maxima expression dera vertat; non i a coma seguir d’apròp es hèts, méter atencion e poder verificar coma van es causes.

Plen telematic 23 d’abriu:
Aran Amassa parle dera urgéncia e gravetat dera situacion e insistís ath long deth plen, entre d’autes causes, en méter es recorsi personaus e economics deth Municipi ath servici des abitants e prepause era creacion d’un “Gabinet de crisi” damb totes es formacions politiques entà debater, discutir, e fin finau, aportar entre toti mesures avientes ara situacion.
Videoacta.
Resum Plen 23 d’abriu.

27 d’abriu Prumèra amassada Gabinet de crisi:
S’inicien es amassades setmanaus que duraràn enquiath 15 de junh.
Aran Amassa rebrembe es prepauses enviades a prumèrs d’abriu e prepause ua auta bateria de mesures, entà discutir e valorar, entà aplicar en Municipi de Naut Aran.
Prepauses Abriu.

Plen deth 18 de junh:
Deuant, d’ua part des mesures ignorades pes formacions politiques, e dempús dera realizacion d’ua enquèsta as abitants deth Municipi de Naut Aran, Aran Amassa decidís presentar ua mocion en plen damb ua bateria de mesures socioeconomiques entà afrontar era crisi dera COVID-19.
Es dues formacions politiques CDA e UA vòten CONTRA des ajudes as famílies vulnerables socioeconomicament.

Resultats dera enquèsta.
Mocion presentada.
Videoacta.
Dades de caumatge per Municipis.

Plen de Seteme de 2020:
Aran Amassa prepause era reparticion de masquetes FFP2 as abitants, e a poder èster reutilizables tanben pes mainatges e mainades deth municipi. Ei acceptada peth baile.
Arrés parle de cap aute tipe d’ajudes.
Videoacta.

Plen de Deseme de 2020:
Mos manque ena 5a modificacion deth pressupòst de 2020 partides d’ajudes sociaus.
Presentam ua mocion entà trèir es regidors des ajudes der Hons sociau que da er Ajuntament de Naut Aran a trabalhadors e foncionaris e insistim en destinar aguestes partides a ajudes sociaus.
Videoacta.
E mos abstiem ena aprobacion iniciau deth pressupòst der an 2021 pr’amor que pensam que non s’ajusten ara realitat que mos demore en an que ven, ne reflectissen ua prevision d’ajudes per tema COVID-19.
Videoacta.
UA cambie de parèr e reconeish eth besonh d’ajudes a familhes e establiments vulnerables deuant dera crisi socioeconomica dera COVID-19, qu’Aran Amassa portaue déjà hè temps en tot avertir e demanar ua prevision deuant d’aguesti besonhs.
Videoacta.

Plen de Març de 2021:
Aprobacion per unanimitat dera ampliacion des partides a famílies vulnerables socioeconomicament e as negòcis per cese d’activitat.
Portam lèu un an demanant aguest tipe d’ajudes e mos shaute tanben que cada viatge se daurís un shinhau mès era participacion.
Aprofitam entà reclamar era reactivacion dera Comission d’abitatge, pr’amor qu’ei un tèma plan important e sonque s’a hèt qu’era constitucion dera Comission.
Valoracion deth plen.
Videoacta.
Videoacta (a partir de 1:03:25). 

Mos sentem orgulhosi deth trabalh realizat enquiath moment, dera implicacion dera nòsta asssamblada e deth trabalh que hèm en tot possar damb çò que credem, de forma argumentada e coerenta damb es nòsti principis coma formacion politica.
Aguest esfòrç pòc a pòc se ve recompensat, e Aran Amassa contunharà en tot trabalhar entà aufrir es mesures de besonh entà ajudar es vesins e vesies entà afrontar era crisi.
Cercam era collaboracion, participacion, transparéncia, e sustot eth municipalisme en tot iniciar eth procès de transformacion entà tornar eth poder de decision ath pòble.