Enquèsta realizada pendent eth 13 de mai ath 22 de mai.

Responses: 90 persones, que representen eth 5,8 % de participacion sus eth totau dera poblacion (màgers de 18 ans)

Des quaus eth 56% son trebalhadors/es e eth 44% empreses e autonòms/es

 

TREBALHADORS/RES

Un 56,3 % manifèste trapar-se en ua situacion laborau diferent der an passat.

Es responses mès nautes en aguest apartat son:

– Situacion de caumatge, crobant un subsidi

– En ERTO

– En caumatge sense un subsidi e teletrebalhant

 

Dera prevision de trebalh en ostiu es responses se trapen igualades entre:

– Es qu’an trebalh assegurat (42%)

– Es que non an trebalh assegurat (42%)

A contunhacion seguissen persones que non poderan crobar eth subsidi de caumatge (11%)

 

Eth 81,3 % des trebalhadors/es pensen que s’aurien de dar ajudes as trebalhadors des des administracions locaus.

 

Des d’ARAN AMASSA auem PREPAUSAT:

– Ajudes dirèctes a familhes en situacion de besonh.

– Incentivar era contractacion de trebalhadors per part des empreses deth municipi.

– Assessorament e orientacion laborau des dera administracion local.

– Rebaisha de tributs locaus.

– Ajudes dirèctes ath pagament des loguèrs.

– Dessenh d’un plan d’accions en netèja, manteniment de camins, miei e auviatge deth .municipi, e contractacion extraordinària de personau entre es vesins, en tot agranir de manèra notabla es brigades d’estiu.

 

 

EMPRESES E AUTONÒMS

Un 80% des enquèstats manifèste trapar-se en ua situacion laborau diferent der an passat.

Dera prevision de reobertura en ostiu:

–  un 55% manifèste que daurirà segur

–  un 25% depenerà des condicions que s’impòsin

–  un 7,5% non les gesserà compde daurir

Eth 62,5 % manifèste qu’aurà ua despena d’entre 500 e 5.000 € entà adaptar eth negòci e poder daurir. Mentre qu’eth 37,5% restant ditz que li costarà mèns de 500 €.

 

Es materiaus que mès se repetissen pera aguesta adaptacion de naua reobertura son:

– EPI’s (equips de protecicon individuau pes trebalhadors: mascaretes, pantalhes, guants)

– Productes de desinfeccion (lleshiu, gèl idroalcohòlic…)

– Materiau de prevencion (mampares, termomètres…)

 

Un 42% des autonòms e empreses an solicitats ajudes as administracions  e un 37,5% an estat concedits. Solament un 5% a demanat as entitats financères.

Un 92,5% des enquestats manifèste qu’es administracions locaus aurien de facilitar ajudes entà complementar es des administracions generaus.

 

Des d’ARAN AMASSA auem PREPAUSAT:

– Ajudes dirèctes as empresaris e autònoms en concèpte de despenes per reobertura.

– Rebaisha des tributs locaus.

 

 

VIUENDA 

Un 56% des enquestat son propietaris, un 32 % des enquestats viu de loguèr e un 12% manifèste traparse en ua auta situacion.

Un 27% deth totau des enquestat s’an vist obligadi a hèr cambis respècte ara sua viuenda, ja sigue renegociant eth loguèr, coma cambiant de viuenda, o passant a logar ua abitacion en un abitatge compartit.

Un 64,8% des enquestats considère qu’es ajudes a loguèrs e ipotèques NON son suficients.

Ara demana de s’era gent dispòsa d’uns estauvis economics entà afrontar era parada forçada per estat d’alarma trapam ua situacion igualada entre es que n’an  (41,8%) a es que non n’an (40,7%).

Un 84,6% deth totau d’enquestats ditz que calerie facilitar ajudes ara viuenda per part des administracions locaus.

Des d’ARAN AMASSA auem PREPAUSAT:

– Ajudes dirèctes ath pagament des loguèrs.

– Ajudes dirèctes a familhes en situacion de besonh.

– Comission d’abitatge (aprovada peth baile en Plen de deseme) entà sajar de resóler es problèmes de vivenda deth municipi conjuntament damb totes es formacions politiques.

 

 

AUTI BESONHS

CASAU D’OSTIU

Eth 44% des enquestats manifèste auer de besonh casau d’ostiu pera mainadèra.

Priorizant hèr grops mès petiti damb mès monitors, ua ampliacion des espaci entà devolopar es activitats e ajudes per part der ajuntament.

 

Consideracion der informacion recebuda per part des administracions locaus, respècte a diferenti tèmes.

Majoritàriaments es enquestats considèren qu’era informacion a estat escassa o insuficient respècte a toti es tèmes plantejadi.

 

 

Des d’ARAN AMASSA auem PREPAUSAT:

– Milhorar era comunicacion dera Ajuntament,  en tot hèrla de forma contunha e en toti es airaus possibles, degut ara situacion d’alarma e de succèsi que cambien tan rapidaments.

– Creacion de servici d’assessorament e orientacion laborau e sociau des der ajuntament.

– Ampliacion des canaus de comunicacion en tot daurir hilats sociaus (prepausa deth Plen de 23 d’abriu)

 

BESONHS TELEMATICS

Un 21% des persones enquestades manifesten non auer dispositius suficients o auer de renovarne bèth un entà poder arténher tot en trebalh temelatic qu’era situacion de COVID-19 a generat (teletrebalh, classes online…)

Mès un 48% considère insuficient era connexion entà corbir aguesti besonhs.

 

 

Des d’ARAN AMASSA PREPAUSAM:

Ajudes dirèctes (mès enlà des ajudes que ja existissen) entà poder dispausar de dispositius e poder dar reponsa ara situacion que viuem, e que contunharem en tot víuer aumèns ua longa temporada mès.

 

 

MESURES QUE PODERIE APLICAR ER AJUNTAMENT

Des persones enquestades:

– Eth 73% coincidissen en que calerie dar ajuts dièctes as familhes.

– Eth 69% pense que calerie dar ajuts dirèctes a autònoms e empreses.

– Eth 53% veirie ua rebaisha des impòsti e tributs locaus.

– Eth 50% manifèste que calerie dar ajuts dirèctes as trebalhadors/es.

– Eth 43% que calerie un servici d’assessorament laborau.

– Eth 42% que calerie un servici d’assessorament sociau.

– Eth 25% que calerie un aplaçament des impòsti e tributs locaus.

 

-Entre d’autes prepauses, destaquen:

  • Creacion de viuenda sociau
  • Borsa d’abitatge
  • Consulta e seguiment dera situacion personau des vesins
  • Ajudes entara conciliacion familhau
  • Creacion de trabalh public
  • Convocar ua plaça de gestion culturau o socioculturau peth municipi
  • Convocar ua plaça d’asistent sociau peth municipi
  • Convocar ua plaça de Comunity Manager per RRSS e comunicacion Ajuntament.
  • Anticipar era instalacion de fibra optica ath municipi

 

 

PARTIDES DESTINADES A EVENIMENTS ESPORTIUS E CULTURAUS ANULADI

Des persones enquestades:

– Eth 73% pensen que calerie destinar aguesti sòs a AJUDES DIRÈCTES.

– Eth 15% les sauvarie entà pròplèus edicions.

– Eth 12% les utilizarie entà: auançar era installacion de fibra optica en municipi, abitatge sociau e que respongue as besonhs des trebalhadors residents en municipi, creacion de trebalhs temporaus, potenciar era economia locau, ajudes a rendes baishes o d’exclusion sociau, projèctes entà diversificar economia, projèctes entà promòir eth municipi.

 

 

Des d’Aran Amassa credem qu’er ajuntament ei ua institucion ath servici des persones e ei era administracion mès pròplèu as vesins e vesies. Damb aguesta responsabilitat, aurie de poder dar responsa as situacions d’emergéncia entà poder ajudar e protegir as ciutadans qu’ac agen de besonh.

 

Credem qu’er ajuntament poderie, e pòt,  hèr mès deuant era situacion qu’auem viscut, e viuem, en tot dar ua responsa que corbisque es besonhs des sectors mès afectadi sense minimizar es conseqüéncies que i a auut sus es persones e enterpreses, o  aumèns d’ua bona part d’eres.

 

Tota inversion destinada a ajudar es vesins e vesines repercutís positivaments ena salut deth municipi, e non li aurie de dòler invertir es recorsi de toti en benéster dera comunitat.

 

Demoram qu’es resultats d’aguesta enquèsta servisquen entà ampliar era vision dera situacion des abitants deth municipi, e poder trebalhar amassa es prepauses que se’n pòden derivar, tostemp en benefici de toti e totes.

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies